Mina عضو جديد
عدد الرسائل : 1 الدولة : المزاج : المهنة : الهواية : تاريخ التسجيل : 14/06/2009
| موضوع: انفلوانزا الخنازير الإثنين يونيو 15, 2009 4:23 am | |
|
انفلوانزا الخنازير
فين ايام زمان لما كان الواحد بيجيلوا انفلوانزا عادية, كاستين شاي بليمون, راحة في البيت, قرصين بنادول, و بالشفااااااء.
بعد جنون البقر,وانفلوانزا الطيور ظهرت انفلوانزا الخنازير باسم virus H1N1 سبب ظهور الفيروس: عدوى الخنزير بانفلوانزا الطيور, و تطور الفيروس بعد اخطلاته بالانفلوانزا العادية( فيروسات عديدة جدا), ثم انتقل الفيروس من الخنزير للانسان, والمشكلة الان هي انتقالها من انسان لانسان عن طريق التنفس. و هذا تقرير عن الحالات في بعض الدول العربية وفقا لمنظمة الصحة العالمية بتاريخ 12 يونيو 2009: البحرين: 1 مصر:10 كويت:18 لبنان: 8 السعودية:1 و بالنسبة للدول الاخرى, (بس مش كلها عشان مقعدش لحد بكره اكتبهم)ههههه امريكا:14000 مكسيك:6500 و الان احصائية لجميع الحالات في العالم: 30000 حالة تقريبا بانتشار سريع, بس يا جماعة الكلام ده بتاريخ 12 يونيو عشان محدش يكدبني
الوقاية: 1- اثبت بعض العلماء ان احسن شئ للوقاية هو مشروب اليانسون الصيني الدافئ 2- اخذ التاميفلو Tami flu (مصل انفلوانزا الطيور) غير فعال في الوقاية. و خلي بالكوا محدش ياخد تامي فلو للوقاية, الناس المريضة بانفلوانزا الخنازير و الطيور فقط هم المستفيدين من هذا العقار. والمشكلة الناس لو اخدته للوقاية, ممكن لو لقدرالله المرض انتشر ميكونش في كمية كافية من التاميفلو. 3- ارتداء الكمامة بصفة مستمرة خارج المنزل 4- غسل الايدي بالماء و الصابون بعد كل خروجة 5-غسل الايدي بالكحول( ويفضل اخذ زجاجة صغيرة من الكحول عند الخروج) 6-عدم الوجود في الاماكن المزدحمة ( المترو, الاتوبيس, السينما,.........الخ) لو لقدر الله واحد عطس في الاماكن دي ممكن يعدي الكل 7- خليييي بالكوا من الشيييشة, بلااااش منها خالص 8-محلات العصير و المطاعم الشعبية, للاسف في بلادنا تعقيم الكاسات و الطباق و الاكل نفسه زي الزفت 9- البوووووووووووس. يا جماعة القبلة يجب ايقافها و طبعا ده مش سهل في بلادنا (بين الاصدقاء و العائلات), و منعا للاحراج يجب علينا الكلام مع الشخص المفروض تقبيله بالطرق الملتوية. مثلا: "معلش يا باشا اصلي ممكن لاقدر الله اعدييك وانا خايف عليك و انت شاييف البلد عاملة ازاي و ......" و خاصة احنا المصريين مبنبطلش كلام هههههههه او الكلام بصراحة وده معتقدش ينفع معانا لانه بيسمى بالبرود( و هو الافضل, مع ان عمري مهعملها) ( لا تؤاخذوني اني بطرح كلام شكله هايف, لكن يجب طرح الموضوع ده,لاننا لا نتكلم فيه كثييرا, و على العموم انا لا اجبر اي حد على تصرفاته)
و كنت عايز اكلمكوا عن بلد زي مصر. بدأت الحالات بطفلة مصرية ذو جنسية امريكية, اكتشفت بالمطار عند مجيئها لمصر. لحد كده كان زي الفل بعد كده جاء لمصر 2 مدرسين ذو جنسية امريكية للجامعة الامريكية في مصر, لم يتم فحصهم بالمطار زي الناس. دخلوا البلد مش عارف كيف. بعد اكتشاف الحالتين, تم فحص كل طلبة الجامعة الامريكية, وجد ببيت طلبة الجامعة الامريكية 5 حالات مرة واحدة حاولوا يعرفوا من الطلاب مين الناس اللي تعاملوا معاهم في الايام الماضية.اكتشفوا 4 حالات بحي الزمالك و حالة بالمعادي. و طبعا الاحياء دي من افضل الاحيااء بمصر و كلها ناس متعلمة و مثقفة. والخوف حاليا من انتشار المرض بالمناطق الشعبية و العشوائية, حيث الجهل والتخلف. اتمنى تكونوا استفدتوا اخوكم مينا [/font] | |
|
Ahmed_zaki عضو فعال
عدد الرسائل : 53 العمر : 29 الموقع : Egypt الدولة : المزاج : المهنة : الهواية : تاريخ التسجيل : 02/02/2009
| موضوع: رد: انفلوانزا الخنازير الإثنين يونيو 15, 2009 5:13 am | |
| شكرا علي الموضوع | |
|